The Department of Internal Affairs: Nga Uruwhenua - Te Tuhinga Haere ohorere, ara, te Emergency Travel Document (ETD)


Home Careers	Services About us	What's new Legal	Forms Resources

Me Pehea te Tono i Tetahi Uruwhenua Aotearoa

Nga Whakaritenga Whakaahua

Nga Uruwhenua ma te Hunga Tamariki

Te whai kia kaua e kahakina he tamaiti ki tawahi

Nga Uruwhenua kua ngaro, i tahaetia

Te Tuhinga Haere ohorere, ara, te Emergency Travel Document (ETD)

Etahi Atu Ratonga

Me Pehea te Whakapa Mai ki a Matou

Te Tuhinga Haere ohorere, ara, te Emergency Travel Document (ETD)

Click here for English language version

(Statement on the use of macrons)

E hoki ki te wharangi kainga Uruwhenua

Te Tapoi Ohotata
Ki te mea kei Aotearoa, kei Ahitereiria, kei Piritene ranei koe
Me tuku e koe tetahi puka tono uruwhenua ohotata ki te Tari Uruwhenua o Aotearoa e tutata ana. Me whakaoti te puka tono mo tetahi Uruwhenua Aotearoa e tika ana mo te wahi e tukua e koe tau tono. Ka taea ano e koe te whakapa a-waea atu ki te Tari Uruwhenua ki te pirangi awhina kohukihuki koe. Kaua te puka ETD e whakamahia mo nga tono ka tukua i Aotearoa, i Ahitereiria, i Piritene ranei.

Ki te mea kei tawahi koe
I nga wahi atu katoa e kohukihuki ai te pirangi tapoi, ka taea e koe te tono ETD i te Kainga Rua o te Kawanatanga, Kairauhi, Kaikomihana Ikeike ranei. Ki te kore e kohukihuki te pirangi tapoi, me tono koe ki te Tari Uruwhenua o Aotearoa tino tutata mo tetahi uruwhenua whai mana tino totika.

Puka Tapoi Ohotata (ETD)
E kore nga putahi o te Kawanatanga i tawahi (te Kainga Rua o te Kawanatanga, Kairauhi, Kaikomihana Ikeike) e tuku uruwhenua o Aotearoa inaianei. Kua oti tenei ratonga te whakakapi ma te tukunga o te Puka Tapoi Ohotata (ETD).

Ko te ETD ko tetahi puka tapoi wa poto, he mea e taea e te mihini te korero, ka tukua ki nga tangata o Aotearoa i tawahi e hiahia ana ki te tapoi i nga wa ohotata, otira kaore ta ratou uruwhenua whai mana. Ka tukuna hoki e ahei ai te kaitono te tapoi i runga i tana kaupapa. Na te mea ehara te ETD i te puka tapoi matua, ka manakohia ka tonoa tetahi uruwhenua whai mana e nga kaipupuri ETD i te wa tika moata rawa. Ki te taha whai mana, ka tukua noa nga ETD mo tetahi wa whai mana tauwhaiti, tae ki te 12 marama rawa.

Kia mahara: Ki te tika koe ki te whiwhi i tetahi ETD kia pupuritia rawatia e koe tetahi uruwhenua Aotearoa i mua.

Kei roto i te utu o te ETD te utu mo tetahi uruwhenua whai mana hou. Kia whiwhi ai i a koe to uruwhenua whakakapinga, me matua tukua e koe he puka tono uruwhenua kua whakakia e koe ki tetahi Tari Uruwhenua o Aotearoa (i Aotearoa, i Poihakena, i Ranana ranei) mua atu i te ra katinga mo te ETD. Whakaurua koatia to ETD me nga whakaahua uruwhenua hou e rua i te taha o to tono. Ki te whiwhi matou i to tono muri atu i te ra katinga mo te ETD, na, kua hiahiatia te utu katoa mo nga tono uruwhenua.

Mo etahi atu parongo me titiro ki: Nga patai e rite tonu ana te uiuitia

Pupuritia To Uruwhenua ki te Wahi Haumaru Ina Tapoi Ana
Kia mahara, ko to uruwhenua to tino pukapuka ina tapoi ana.
KIA KAHA TE:

Pupuritia kia whita ina tapoi ana koe, ina whakamahia ana.
Pupuritia to uruwhenua kia kore e kitea i te wa kaore i te whakamahia.
Tirotirohia auautia.
Pupuritia ke te wahi maroke.

KIA KAUA:

To uruwhenua e waiho kia takoto kau ana i a koe e tapoi ana.
Rawa to uruwhenua e raweketia, kaua ranei e whakamatau ki te whakatikatika ki te mea kei te tihore haere.
E hoatu ki tetahi atu ano hei mea taituara.

Kua hoahoatia e Te Mana Aorere he paetukutuku, ko www.safetravel.govt.nz, hei awhina kia noho to haere ki tawahi hei wheako haumaru ma te hoatu tohutohu kia pehea koe e takatu ai ki te tapoi haere, kia aha ano koe ina pa te raruraru ki a koe i tawahi. Kei taua paetukutuku he tohutohu tapoi whanui, nga ingoa hoki o etahi kaitohutohu tauwhaiti mo te tapoi haere i etahi wahi ake.


	Site map	Search	Help	Contact us	Email us	newzealand.govt.nz


Last updated: 17/03/2010